materfemgal.jpg
 

 QUEN SOMOS

mani19g_edited_edited.jpg

MATERFEM, Maternidades Feministas Galegas, é unha asociación formada por mulleres nais de crianzas de idade diversa, desde bebés até adult@s, fundada na comarca de Santiago de Compostela e que na actualidade ten alcance nacional.

Comezamos no 2018 a reunirnos na Libraría Lila de Lilith para debater nun espazo non mixto, horizontal e aberto sobre a maternidade como feito social, económico e político (alén de íntimo), desde unha perspectiva feminista.

Despois dun ano de varias accións de visibilización dos coidados, atopámonos coa necesidade ir mái aló no activismo e por iso estamos traballando en varios proxectos que procuran visibilizar as violencias cotiás contra a maternidade, facilitar ás mulleres e as súas crianzas un espazo permanente de coidados e promover o debate na cidadanía sobre o lugar que ocupa a maternidade e os coidados na sociedade patriarcal, individualista e capitalista na que vivimos.

Mulleres e crianzas estamos lonxe de encaixar neste modelo produtivo, precisamos cambiar dunha vez o nos esgota e afoga con falsas promesas de conciliación.  

Porque maternar é político.

Porque queremos un mundo máis humano baseado no coidado e a sostibilidade en lugar de no consumo e na competencia. 

 

 

MATERNAR EN PANDEMIA

IMG_20190126_125202188_HDR_edited_edited

Son tempos difíciles.

As nosas vidas mudaron de súpeto dunha forma que nunca imaxinaramos.

O noso activismo tamén.

 

Adiamos a presentación do primeiro avance de resultados do Observatorio até despois do verán, pero non ficamos paradas...

Hai moito que facer!

Eis algunhas das nosas campañas (preme nas ligazóns para saber máis):

- Cuestionario sobre as experiencias de benestar e malestar do confinamento con crianzas.

- Proposta para organizar saídas das crianzas ao exterior. 

- Intervención no espazo público para denunciar a situación de crianzas e nais no confinamento.

- Reivindicacións sobre a conciliación na "nova normalidade".

Gustaríame saber como é vivir nun país onde a xente non fai as cousas con medo a ser xulgado e acusado polos demais, gustaríame probar por un día iso de poder abrir unha rede social e non ler insultos, non ver dedos acusadores.

Por un día ver apoios sen condicións, apertas sen espiñas, ler liñas sen veredictos.

Por un día saír á rúa sen ver de esguello esa man que suxeita a cortina.

Abrir os ollos e saber que xa non me teño que sentir culpábel por ser quen son, sabendo que se me equivoco de camiño alguén me indicará o camiño correcto sen me tirar aos leóns.

Porque é duro, moi duro saber sempre que vas ser xulgada, e seino, seino porque son muller e seino porque son nai. E onte, antonte, hai catro días, antes de que as crianzas puidesen saír á rúa, xa sabía que ía ser xulgada, que ía haber ollos detrás das cortinas agardando que alguén equivocase o camiño para poñerme no paredón.

Gostaría saber, se cadra algún día saberei o que é vivir, vou copiar o Zeca, na terra de fraternidade.

conciliar e un dereito
Captura de pantalla 2020-04-02 a las 23.
Captura de pantalla 2020-04-02 a las 23.
DereitosnaPandemia_embarazadasgalicia.jp

CON COVID OU SEN EL, OS MEUS DEREITOS SEGUEN SENDO MEUS.

 

Apoiamos a campaña impulsada por Embarazadas Galicia de visibilización da falta de cumprimento dos dereitos sanitarios das mulleres embarazadas, dos acabados de nacer e das súas familias na nosa comunidade. 

As embarazadas están a ver que as recomendacións da SEGO, das asociacións de Matronas e da OMS son moi difíciles de acadar nalgúns hospitais galegos.

 

Entendemos que debido á emerxencia sanitaria na que nos atopamos podemos atopar situacións de colapso nos servizos sanitarios, pero o seu funcionamento, dotación de persoal e correcta atención aos partos non poden verse afectados ata o punto de suprimir dereitos humanos, chegando a realizar de forma rutinaria procedementos sobre persoas en bo estado de saúde que as poidan pór en risco, coma vimos de ver nas últimas semanas.

Preme no cartaz para ver o comunicado.

 

OBSERVATORIO DAS VIOLENCIAS NA MATERNIDADE

Este luns 28 de decembro (conmemoración dunha das violencias contra mulleres e crianzas fundacionais do mundo patriarcal no que vivimos) ás 18h a través da Plataforma Jitsi presentamos o INFORME DE RESULTADOS DO Observatorio das violencias machistas cotiás que afectan as mulleres na maternidade e as súas crianzas. Un proxecto que botamos a andar hai xa un ano e cuxos primeiros resultados presentamos agora, tras pospoñer a data prevista inicialmente en marzo de 2020 debido á crise sanitaria produto da Covid-19. 


Iniciamos a andaina na Casa das Mulleres de Compostela, no mes de decembro de 2019 ao carón de grandes compañeiras como Lola Ferreiro, Marga Tojo e Iria Pinheiro e estamos moi emocionadas pola gran acollida que tivo. Pechamos o formulario en febreiro do ano 2020 para dedicarnos con tempo a analizar os datos. O Observatorio é un proxecto feito por mulleres nais, traballadoras e activistas, sen subvencións nin apoios privados ou de Ong, e as nais sabemos ben que o que máis nos falta é tempo. Non foi doado, pensamos que non iamos finalizar nunca. Cruzouse a pandemia polo medio. Pero conseguimos estar aquí para falar dos resultados. Un punto de partida sobre o que falar con datos e exemplos contundentes de violencias das que non se fala nunca pero que vivimos de maneira cotiá.

 

O Observatorio está de novo aberto nos seus obxectivos de visibilizar e denunciar a violencia, impulsar iniciativas que melloren noso día a día e contribuír na construción dun mundo mellor para todas as persoas. Sabemos dos seus efectos –como nos contaron moitas enquisadas– sobre o apoderamento individual. Agora queremos tamén que eses efectos axuden á concreción dun mundo feminista no que  podamos dar forma á nova normalidade que desexamos.


Lembra: este luns 28 de decembro ás 18h a través de https://meet.jit.si/MATERFEM 

 

Agradecemos a difusión!

Unha forte aperta materfeminista!

Moi pronto subiremos ao web o texto completo.

Preme no cartaz para acceder á presentación. Non precisas contrasinal.

Esperámoste!!

cartel resultados observatorio.jpg

Estamos levando a cabo un estudo sobre os tipos de violencias machistas que sufrimos as mulleres con crianzas na nosa vida cotiá. É un proxecto pioneiro e feito por mulleres nais para mulleres nais, sen organismos, ONGs, nin empresas detrás.

 

Institucións públicas cheas de escaleiras, persoal sanitario que violenta os nosos partos, liñas de autobús que nos dificultan o acceso, imposibilidade de conciliar, vilas que non contan con espazos para a mocidade, Puntos de Encontro Familiar que vulneran dereitos de nais e crianzas, permisos de maternidade insuficientes, xulgados que ignoran as denuncias de abusos, impago das pensións para @s fill@s,...

Queremos identificar todas as violencias que enfrontamos de forma cotiá co obxectivo de elaborar un diagnóstico que amose por primeira vez datos concretos sobre a incidencia da violencia nas nosas vidas a partir do cal realizar accións de visibilización e denuncia e propostas para contribuír a unha cidade máis humana e amigábel.

Pedimos a túa colaboración, xa que precisamos escoitar de primeira man as experiencias e voces das mulleres nais que padecestes e/ou padecedes violencias machistas. Podes participar de dúas maneiras:

- Cubrindo o CUESTIONARIO do Observatorio, unha enquisa completa e anónima que che levará uns 15-20 minutos

- A través dunha FOTO que podes enviar ao noso correo: materfeministas@gmail.com, indicando que cedes os dereitos para a súa publicación no informe do Observatorio das violencias machistas cotiás que afectan ás mulleres nais e ás súas crianzas, realizado por MaterFEM.

- Denunciando un feito concreto na CAIXA DE DENUNCIAS, un formato máis rápido que podes cubrir as veces que desexes.

En todos os casos, garantimos a confidencialidade e privacidade dos datos. Moitas grazas!!!!

CAIXA DE DENUNCIAS
arrow&v
arrow&v
arrow&v

Grazas por participar!

ALGUNHAS FRASES RECOLLIDAS NO OBSERVATORIO

"Despedíronme dúas veces. Unha ao comunicar o primeiro embarazo e outra o volver da baixa do segundo. As dúas na mesma empresa."

"Atáronme as mans mentres me facían as cesáreas, non deixaron que me acompañase o meu marido durante as operacións e despois de nacer meus fillos separáronme deles levándome a reanimación, a primeira vez durante máis de 3 horas."

"No Álvaro cunqueiro tiven q cambiar os coiros a miña filla nun alféizar da ventá porque non había cambiadores na zona de consultas de pediatría e unha muller montoume un pollo x facelo alí e chamoume porca."

"No Centro de saúde de Coia despois de ver que meu fillo viña acéfalo e que ía ter que abortar non tiven ningún apoio. Alí estiven, na sala de espera chea de felices embarazos, sen ningún agarimo, nin ofrecerme unha sala para estar chorando e despedíndome do meu fillo, no medio  dun montón de xente. "

"Nunha empresa na entrevista laboral chegaron a facerme asinar un compromiso de que non ía faltar ao traballo por ter crianzas."

"A baixa maternal é claramente insuficiente para atender as necesidades dunha crianza.

OUTROS PROXECTOS

ESPAZO PERMANENTE
DE COIDADOS

 

Estamos construíndo un espazo autoxestionado e permanente de coidados en Compostela para que calquera muller poida atopar un lugar ao quente no cal descansar, cambiar o cueiro, xogar coas crianzas, dar a teta, ler un libro, tomar unha infu... sen ter que xustificarse, consumir ou pedir permiso.

CAMPAÑA POLO PECHE DO SAFIM

 

Apoiamos a campaña impulsada por AGAMME, Asociación galega contra o Maltrato a Menores para pedir o peche do Servizo de Apoio Familiar, Integral e Multidisciplinar (SAFIM) e a retirada do apoio financiero que con este fin ten entregado a Consellería de Política Social, deixando constancia do noso rexeitamento á figura do coordinador parental, suxeita a patente por parte de Fundación Filia, que leva aos espazos públicos o seu discurso negacionista da violencia de xénero e o abuso sexual infantil e defende a ideoloxía sap, rexeitada pola comunidade científica internacional. Podes ler o comunicado premendo na imaxe.

XORNADAS SOBRE MATERNIDADES FEMINISTAS

 

A maternidade pode comezar como desexo moito antes do embarazo e non remata nunca, por iso moitos temas nos interesan, nos ocupan e preocupan. Queremos facer unhas xornadas nas que poidamos debater sobre o lugar dos coidados, a construción da masculinidade, a maternidade de adolescentes e adult@s, a falta de sinerxias coas familias nos espazos educativos, ...

 

PRENSA

O Observatorio foi recollido nos medios:

nos logo.png
praza logo.png
galicia confidencial.png
Radio_Galega.png

Contidos para medios de comunicación:

PRESENTACIÓN DO OBSERVATORIO EN COMPOSTELA 18/12/2019
observatorio cartaz.jpg
79429011_10220920294820818_2352167040409
81102632_10220920294460809_2995060147824
80372065_10220920300700965_6488680850987
PRESENTACIÓN DO OBSERVATORIO EN ROLDA DE PRENSA EN COMPOSTELA 27/11/2019
observ1.jpg
 

SÚMATE!

Xuntabámonos o segundo sábado de cada mes ás 12h. Na "nova normalidade" imos véndonos nos parques sen data fixa. Podes contactar con nós a través do correo materfeministas@gmail.com ou a través deste formulario.

Trataremos de respostar axiña.

Agardámoste!

Grazas! Contactaremos contigo axiña.

cartaz tareixa2.jpg